Često puta inspiraciju, motivaciju i mnoštvo zanimljivih informacija nalazimo na Facebook stranici Pučišća. Ovog puta, tražili smo pravi, domaći, stari recept za pršurate (fritule), pa smo ga odlučili podijeliti i s vama. Prenosimo ga onako kako ga je zapisala Zorana, a prenijela joj Ines. Ako vam bude trebala pomoć u prevođenju, javite nam se!

____

Vako van to grie i vuol je sve če van tribuje:

1 kilo očišćenih kunpiri skuhot u vodi sa malo soli,

u žmulu od 2 deca cukra,

1/4 litre vodie u kojuon su se kuholi kunpiri,

1/4 litre rakije,

suhice koliko kuo voli,

vanilija, rum, kanela, orišac, kora od limuna i noronče (če veće),

oko 1/2 kila brašna i malo praška za pecivo.

____

Skuhot kunpire, procidit i na štrukapatatu hi speštat. Cukar prokuhot u vodi od kunpiri, a rakiju uzavrit. Suhice namočit u rum. U vrile kunpire dodat cukar rastopjen u vodi, dobro, dobro zbatit, dodat brašno i uzavretu rakiju. Sve dobro izmišat, dodat vonje i pustit tisto da počine. Smjesa mora bit gusta. Po potribi se može dodat jos brašna, sve zavisi od kunpiri. Kal se tisto ohlodi da u njega možeš držat ruku, dodo se još jedon kućarin brašna u koji se pomišo manje od pola praška za pecivo.

Svit | kunpire nemuojte prikuhot jerbo popijedu puno brašna. Nemuojte pritirot sa praškon za pecivo jer van pršurate niećedu bit lipe okrugle!

I onda hi lipo frigote. Ćapote smjesu u ruku i kućarinon uzimjete balotice i mećete u uje. Uje nemuojte privrilit jerbo ćedu van izvonka porumenit, a unutra ostat sirove.

____

Treba li nekome prijevod? 

____

IZVOR | Pučišća

FOTOGRAFIJAPublicDomainPictures